Urriaren 17tik 19ra bitartean, ‘Eoalak’ Hegazti Hazkuntzaren Nazioarteko I. Erakusketa izango da Zamudion. Erakusketan hegazti hauek jarriko dituzte ikusgai, besteak beste: oiloak, antzarak, ahateak, indioilarrak, usoak eta pintadak. Era berean, Kantauri Itsasertzeko Arraza Autoktonoko Hegaztien Hazkuntzari Buruzko II. Monografia ere egingo dute. Ekitaldiak hauek antolatu dituzte: Zamudioko Udalak, Euskal Abereak, Eoalak, FRESACOCUR eta Kantauriko gainerako elkarteak. Erakusketez gainera, jardunaldi teknikoak ere izango dira.