Zamudioko Udalak Balkoi Apainduen Lehiaketa antolatu du bigarren aldiz, eta horrek sobera bete ditu aurreikuspenak. Izan ere, ekimenean 160 lagunek eman dute izena. Lehiaketan modalitate bi egongo dira: baserriak eta pisuak. Bakoitzaren irabazleak 700 euroko bonoa jasoko du saritzat. Antolatzaileek parte-hartzaileen artean banatu dituzte balkoiak apaintzeko erabili behar diren loreak: cyclamenak, pentsamenduak eta anthirrinuamak. Epaimahaiko kideak azaroaren 15etik 30era bitartean pasatuko dira parte-hartzaileen etxetik, konposizioak ikustera.