Zamudioko Zikloturista, irailaren 19an

Zamudioko hitzordurik garrantzitsuenetariko bat da eta jende asko batzen du; iaz, esate baterako, 600 lagun inguruk hartu zuten parte bertan. Aurten, irailaren 19an egingo dute Bidekoetxe parkean. Txartelak eta kamisetak 09:30etik 11:00etara bananduko dituzte eta lasterketa 11:30ean hasiko da. Parte-hartzaileek, guztira, hiru buelta eman beharko dituzte atonduko den zirkuitutik. Umeentzako mountain bike zirkuitua ere antolatuko da, eta ogitartekoak banatuko dira txirrindularien artean, indarrak berri ditzaten. Bazkaldu ostean, erromeria egingo da. Zamudio-Zamudio Zikloturistan izena ematea irailaren 18ra arte egin daiteke Udaletxean. Hamazortzi urtetik beherako zamudioztarrek euro bi ordaindu beharko dute; eta 18 urtetik gorakoek, hiru euro. Gainerakoek, bost euro. Prezioaren barruan txartel bi sartzen dira: alde batetik, kamisetari dagokiona; eta bestetik, ogitarteko eta edariarena.