Diskoa elkartearen 20. urteurrenaren haritik grabatu dute eta bihar aurkeztuko dute Bilbon. Eguerdiko 12:30ean, grabazioaren making of-aren ikustaldia eskainiko dute Kalderapeko Euskal Kultur Elkartean. Ostean, 15:00etan, diskoaren aurkezpena eta bazkari herrikoia burutuko dira Bilboko Kafe antzokian.
Jota´n´rec diskoan, melodia tradizionalez osatutako 8 kanta topatuko ditugu. Kantu horiek, eskolako txalaparta, alboka, trikitixa, pandero, euskal kantua eta dultzainako ikasleek soilik grabatu dituzte, hauen irakasleen laguntzarekin eta zenbait musikarik borobildu dituztelarik. Grabazioa Balea Musika Ideiak estudiokoek bideratu dute, Asier Ercilla teknikariaren eskutik eta ekoizpen musikala berriz, Igon Olaguenaga musikari eta irakasleak zuzendu du. Azkenik, aipagarria da ere, elkarteak Zamudioko Udalaren babesarekin aurre egin diola proiektuari.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).