Guztira 48 gidarik hartu zuten parte hainbat kategoriatan. WRS kategorian, Jandro Díaz astuariarra izan zen txapelduna; GT kategorian, Edu Olarte; SN Rallye kategorian, Serafin Gago galiziarra; N taldea kategorian, Iker Braceras; auto klasikoen kategorian, Asier Areitio; eta gazte mailan, Borja Alonso.
Txapelketaz gainera, Zamudio Racing Elkarteak hainbat ekitaldi prestatu zituen, besteak beste, haurrentzako puzgarriak, Rally eta 1 Formulako simulagailuak eta irrati-uhinen bidez kontrolatutako autoak. Asteburua antolatzeko, Zamudio Racing elkarteak besteak beste Zamudioko Udalaren, MotorslotD4 elkartearen eta hainbat babesleren laguntza izan zuen.