Sasimartxo ospatuko dute Zamudion

a: Zamudioko Udala 2019ko ots. 18a, 09:38
Deskargatu Info Ahotsak :

Zamudioko Udalak eta Arroeta mendi taldeak antolatuta, otsailaren 24an ibilaldia egingo dute Zamudioko paisaietatik. Ibilbide bi egiteko aukera egongo da.

Luzeena hau da: Sabino Arana plaza – Ganguren – Trikuharrira eta metrailadore-habietara bisita gidatua (Avril mendiaren azpian) – Sandoni – Arroetako karobia. Lau ordu eta erdi iraungo du, eta 08:00etan aterako da Sabino Arana plazatik. Laburrena, bestalde, hau da: Sabino Arana plaza – Zamudioztarren bidea – Trikuharrira eta metrailadore-habietara bisita gidatua – Sandoni eta Arroetako karobia. Ordu bi iraungo du, eta 10:00etan aterako da Sabino Arana plazatik. Kasu bietan, hamaiketakoa eskainiko da 12:30ean, Arroetako karobian.

Basa dela eta, antolatzaileek botak eta makila eramateko gomendioa egin dute.

Gizartea Zamudio

Txorierriko albiste garrantzitsuak eta azken ordukoak jaso gura dituzu Whatsapp bitartez?

WHATSAPP: Bidali ALTA hitza 747 406 561 telefono zenbakira.

Izan zaitez berriemale ere. Bidali zure argazkiak, bideoak eta berriak.

Hilero lagun birentzako bazkaria zozkatuko dugu alta hartzen dutenen artean (Baserri Antzokian).