Bizikletak aparkatzeko gunea erabili ahal izateko, Euskotreneko bezeroek izena eman beharko dute Zazpi Kaleetako geltokiko bezeroaren arreta-bulegoan, eta garraio-txartel hauetako bat izan beharko dute: BARIK (Bizkaia), BAT (Araba) eta MUGI (Gipuzkoa). Gainera, txartelak pertsonalizatuta egon beharko du, eta zuzen erabiltzeko modukoa izan.
Gunera bakarrik Euskotrenen bidaia bat egin aurretik edo ondoren sartu ahalko da, eta bizikleta lau egunean utzi ahalko da bertan. Lau egun baino gehiago pasatuz gero, Euskotreneko langileek aparkalekutik atera ahalko dute bizikleta. Era berean, instalazioak txarto erabiltzen badira, garraio-txartelaren bidezko sarbidea ukatuko da. Bizikletak aparkatzeko guneak eta geltokiak ordutegi bera izango dute. Euskotrenek Zamudioko Udalarekin elkarlanean eskainiko du zerbitzua.
Informazio gehiagorako: 94 433 33 33 telefono-zenbakia, Zamudioko geltokia, bezeroaren arreta-bulegoa eta www.euskotren.eus webgunea.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
