Euriari beldurrik ez, Zamudioko azokan

Zapatuan zeruak iragartzen eban euria egingo ebala, baina azkenean ez zan eguraldi txarrik egon. Ondorioz, betiko legez, jendetza batu zan Zamudioko azokan asteburuan zehar. Batzuek interesa adierazo eben Txokolate, Gozoki eta Artisautza Azokea ikusteko; eta beste batzuek, Euskadiko Limusin arrazako Abelgorri Txapelketea ikusteko. Guztira, 100 saltokitik gora ipini ziran eta han baserriko hainbat produktu eskaini ziran: barazkiak, fruta, gaztaia, txakolina, eztia, euskal pastela... Era berean, indabak, gazta, txerrikia eta tokiko garagardoa dastatzeko aukera egon zan.