Musika, konfinamendua arintzeko

Bost aste daramatzagu etxean, COVID19aren hedapena geldiarazten saiatzeko, eta ekimen asko ipini dira martxan, konfinamendua jasangarriagoa izan dadin: lehiaketak, kirola, arte-lanak… Besteak beste, Zamudioko Udalak Dj Zamudio ekimena sustatu du, herritarrak balkoitik edo leihotik musikaz gozatzeko. Egunero eta 20:02tik 20:15era, musika bera sinkronizatuta entzungo da herrian. Horretarako, udalak bozgorailuak banatu ditu zamudioztar batzuen artean, balkoietan ipini ditzaten. Kultura-teknikariak musika ipintzeko ardura hartu du. Eskaerak egiteko, helbide elektroniko honetara idatzi behar da: kultura@zamudio.eus.

Koronabirusaren gaineko datuak Txorierrin hemen.