Udalak indarrean dauden neurriak ekarri ditu gogora. “Garraio publikoetan derrigorrez eroan behar da maskara aurpegian, baita leku itxietan ere, batez ere jendearentzat zabalik daudenak: dendak, ile-apaindegiak…”. Bandoak aipatu duen moduan, leku horietan maskara erabiltzea “oinarri-oinarrizko neurri bat da langileentzat zein bezeroentzat”. Azkenik, Zamudioko agintariek metro biko segurtasun-tartea uzteko eta eskuak gelaz sarritan garbitzeko gomendioak ere adierazi dituzte.
Bestetik, Udalak iragarri du Gurutze Gorriko boluntarioek informazioa eskainiko dutela bihar, zapatuan, maiatzaren 9an. Boluntarioak goizean zein arratsaldean ibiliko dira Zamudiotik, herritarrek –batez ere “nagusiek”– dituzten zalantzak argitzeko.