Zamudioko Udalak Balkoi Apainduen Txapelketa antolatu du 12. aldiz, eta izen-ematea maiatzaren 22ra arte egin daiteke. Azaldu dutenez, aurten, koronabirusak eragindako krisialdiaren ondorioz, loreak etxez etxe banatuko dira maiatzaren 30ean. Parte-hartzaile guztiek 15 euroko bonu bat jasoko dute herriko dendetan, tabernetan eta zerbitzuetan gastatzeko.
Kategoria bi egongo dira: etxebizitzak eta baserriak; eta kategoria bakoitzeko hiru sari emango dira: 200 euroko txartela, 100 euroko txartela eta 50 euroko txartela. Sariak irailean banatuko dira, Zikloturista ospatzen den egunean hain zuzen ere, eta diru-txartelak herriko merkataritzan gastatu beharko dira. Epaileak parte-hartzaileen etxeetara joango dira balkoien apainketa baloratzeko, baina, adierazi dutenez, oraindik ez dute erabaki hori zein egunetan izango den. Izena emateko, 944 060 990 telefono-zenbakira deitu daiteke, edo kultura@zamudio.eus helbide elektronikora mezu bat idatzi. Hasieran aipatu denez, izena emateko azken eguna maiatzaren 22a izango da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
