Bizi dantza ikuskizuna arratsaldeko 18:30ean hasiko da. Lagatzu euskara elkarteak azaldu duen moduan, 360 lagunentzako tokia izango da eta protokolo zehatz bati jarraituko zaio, osasun- eta segurtasun-neurri guztiak betetzeko. Sarrerak 6 euro balioko du euskara elkarteen bazkideentzat; eta 8 euro, gainerakoentzat.
Lagatzu Zamudioko euskara elkarteak Euskal Astea antolatu ohi du maiatzean, baina aurten, COVID-19ak eragindako pandemia dela eta, ekimenaren harira antolatutako ekitaldiak bertan behera gelditu ziren. Ekitaldien artean Pirritx, Porrotx eta Marimotots pailazoen ikuskizuna izan zen. Nolanahi ere, eta euskara elkarteak jakinarazi duenez, pailazoak urriaren 16an izango dira herriko kiroldegian, umeak zein gurasoak gozarazteko.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).