Aitziber Bañuelos Ganuzak, Eraikiz kolektiboko kideak, “Hel nazazu eskutik” ikastaro-hitzaldia emango du gaur eta azaroaren 19an, 19:00etan Zamudiotorren. Ekitaldia indarkeria matxistari buruzkoa izango da. Bestalde, Zamudioko berdintasun-batzordearekin batera antolatuta, Pamela Palencianok “No solo duelen los golpes” bakarrizketa egingo du azaroaren 6an, 19:00etan, kiroldegian. Gainera, egun horretan indarkeria matxista gaitzesten duen bideoa ere plazaratuko da; bideoan hainbat zamudioztarrek hartu dute parte. Azkenean, azaroaren 25ean, Zapata Gorriak elkarteak protesta egingo du feminizidioen bitrinaren aurrean.