Baserriko produktuez gainera, azokara hurbiltzen direnek landareak erosteko aukera ere izango dute herriko ekoizle baten eskutik. Bestalde, eta azokaren harira, Zamudioko Udalak furgoi elektrikoa aurkeztuko du Agirre Lehendakari plazan eta loreak banatuko ditu Balkoi Apainduen Lehiaketan erabiltzeko. Loreak Bidekoetxe parkean banatuko dira, eta euria egiten badu, Correoseko arkupean.
Nekazamudio Pago kalera eramango da
Nekazamudio Zamudioko baserritarren azoka da eta hilaren lehenengo zapatuan egiten da. Azoka Kultur Etxeko patioan izan da orain arte, baina plaza estalia eta lur azpiko aparkalekua egiteko lanetan dabiltza bertan, eta horregatik aldatuko da lekuz. Horrela, Nekazamudio azoka Pago kalean egingo da gutxienez lanek irauten duten bitartean. Maiatzeko hitzordua zapatuan izango da, hilaren 8an hain zuen ere.