Bestalde, Zamudioko Umeen Kontseiluko partaideek beste gai batzuk hausnartuko dituzte. Haietako bat izan da eskolak etxeko lanik ez agintzea, eta gutuna eta guzti idatzi dute. Gutuna bidaliko diete eskolaren zuzendaritzari, Hezkuntza Sailari eta Arartekoari.
Umeen ametsezko herriak ikusgai ipiniko dira Zamudioko dendetan
Zamudioko Umeen Kontseiluan umeen herriak asmatzen ibili dira aurten eta, besteak beste, kotoizko autoak amestu dituzte, jolasa erdigunean jartzen duten herriak, animaliak eta umeak bakarrik bizi diren herriak, eskola gabekoak, gominolak zerutik jausten diren lekuak… Ametsezko herri horien irudiak herriko dendetan ipiniko dira ikusgai ekainaren 21etik 30era bitartean, eta udal-kiroldegian, uztailaren 1etik 16ra bitartean.