Zamudio Box Jnbox boxeo elkarteak jakinarazi duenez, boxeo ekitaldia antolatu dute martxoaren 12rako. Ekitaldia 19:30ean izango da Zamudioko kiroldegian, eta orotara zortzi borrokaldi egingo dira; datozen asteetan esango dute boxeolariak nortzuk izango diren. Ia bi urte pasatu dira pandemia hasi zenetik, eta martxokoa izango da elkarteak denbora-tarte honetan antolatzen den lehen boxeo-ekitaldia. Hortaz, oso gogotsu dabiltza ekitaldiaren xehetasunak prestatzen.
Gainera, elkarteak 10. urteurrena ospatuko du aurten, eta, esan moduan, urtean zehar, ahal dela, boxeo-ekitaldi gehiago egiteko asmoa dute. Martxoko ekitaldiari dagokionez, Zamudioko gimnasioan 350 lagun batu ahalko dira eta sarrerak gimnasio parte-hartzaileetan zein txarteldegi bertan eskuratu ahalko dira.