Zamudioko Udalak Balkoi Apainduen Lehiaketa antolatu du 14. aldiz. Bi kategoria egongo dira: baserriak eta pisuak; eta sariak hauek izango dira: 150 euro, lehen sailkatuarentzat; 100 euro, bigarrenarentzat; eta 50 euro, hirugarrenarentzat. Gainera, parte-hartzaile guztiek 15 euro jasoko dute saritzat. Dirua herritar txartelean sartuko da eta herriko saltokietan gastatu beharko da.
Izena ematea maiatzaren 17ra arte egin daiteke frontoi ondoko lokalean, udal-webgunean www.zamudio.eus eta ADI Zamudion aplikazioaren bidez. Loreak maiatzaren 21ean banatuko dira, 09:00etatik aurrera, Bidekoetxe parkean; eta eguraldia txarra egonez gero, Txinbo kaleko arkupeetan. Egun horretan ere izena emateko aukera egongo da.