Zapatuan, irailak 17, Zamudio-Zamudio Zikloturista egingo da 23. aldiz, Bidekoetxe parkean. Izena ematea irailaren 15era arte egin daiteke ADI Zamudio app-aren bidez, www.zamudio.eus webgunean edo udaletxean bertan. Hamazortzi urtetik beherako erroldatuek, erretiratuek eta pentsiodunek 2,14 euro ordaindu beharko dituzte; 18 urtetik gorako erroldatuek, 3,16 euro; eta erroldatu gabeek (umeek zein nagusiek), 5,30 euro. Prezioaren barne daude kamiseta, ogitartekoa eta edaria.
Bestalde, probaren harira hurrengo egitarau hau antolatu da:
09:30-11:00 Txartelak eta kamisetak banatzea.
11:30-12:30 Lasterketa (hiru buelta).
12:00 Karpan mahaiak erreserbatzea.
12:30 Umeentzako mountain-bike zirkuitua (egun osoan).
13:30 Balkoi Apainduen Lehiaketaren sariak banatzea.
14:00 Koadrilen bazkaria.
17:30 Erromeria.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).