Zamudio-Zamudio zikloturista hitzordu garrantzitsua da herrian eta horren inguruan jai-eguna antolatzen da. Goizean, lasterketa egiten da eta horren ostean, mountain-bike zirkuitua jartzen da, umeek egun osoan erabiltzeko. Gainera, herri bazkari egin zen eta bazkalostea girotzeko, erromeria.
500 lagun inguru batu ziren Zamudio-Zamudio zikloturistan
Zapatuan, irailak 17, Zamudio-Zamudio Zikloturista egin zen 23. aldiz, Bidekoetxe parkean. Guztira 500 lagunek hartu zuten parte bertan. “Eguraldia ederra egon zen eta giroa, oso polita. Saioa urte bi antolatu barik eman dugu eta jendea gogotsu zebilen. Gainera, ume pila aritu ziren eta horrek adierazten du zaletasuna badagoela eta etorkizuna baduela”, esan dute Zamudioko udalekoek, martxaren antolatzaileek. Parte-hartzaileak batez zamudioztarrak dira, baina beste batzuk baita kanpokoak ere.