Zamudioko Kamara Koralak Fair Saturday egitasmoaren inaugurazio-ekitaldian hartuko du parte, eta zortzi urtetik 17 urtera arteko gazteak animatu nahi ditu haiekin batera agertokian aritzera. Inaugurazio-ekitaldia azaroaren 25ean, 20:00etan, izango da Bilbao Arenan (Miribilla), eta han batuko diren musikarien eta artisten artean egongo dira Kalakan, Gatibu, Maren eta Deabru Beltzak. “Oso esperientzia polita da; ea gazteak animatzen diren!”.
Entseguak urriaren 7an hasiko dira eta barikuetan egingo dira, 17:00etan, Zamudiotorren. Izena emateko, Zamudioko Kamara Koralako kideekin harremanetan ipini behar da 657 775 911 telefonora deituta edo idazkaritza@zamudiokokamarakorala.eu helbide elektronikora idatzita.
Gizartean eragin nahi duen kultura-egitasmoa da Fair Saturday eta azaroaren azken zapatuan egiten da, Black Friday hitzordu kontsumistaren hurrengo egunean, hain zuzen. Kultura arloko artistek eta erakundeek bat egiten dute egitasmoarekin, kulturaren eta enpatiaren bidez mundu hobea egiteko nahian.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
