Gau Beltza edo Arimen Gaua urriaren 31n ospatuko dute, eta hari lotuta mozorro-lehiaketa eta desfilea antolatu dira. Guztira lau kategoria egongo dira: 1917tik 2005era bitartean jaiotakoak, 2006tik 2013ra bitartean jaiotakoak, 2014tik 2022ra bitartetean jaiotakoak eta taldeko saria. Kategoria bakoitzeko sari hauek emango dira: 80, 60 eta 40 euro; gainerako parte-hartzaileek gozokiak jasoko dituzte.
Izena emateko epea urriaren 31ko 13:00ak arte egin ahalko da ADI Zamudio aplikazioan eta udal-webgunean. Sariak emateko orduan, originaltasuna, tradizioa eta ehunen zein materialen berrerabilera hartuko dira kontuan.
Mozorro-lehiaketa eta desfilea 19:40an egingo dira, baina lehenago, 19:00etan hain zuzen, kalejiran irtengo da, parte-hartzaileek kandelak eskuan. Bestalde, 20:30ean, gaztaina erreak eta kalabaza-gozokiak banatuko dira eta Oihan Vegak iluntzea girotuko du. Jaia 22:00etan amaituko da. Ekintzak Agirre Lehendakaria plazan egingo dira. Ekintzak Zamudioko Udalak antolatu ditu hauen laguntzarekin: Kantarelux, Zizegorri, Adintsuen Taldea eta sukaldaritza-ikastaroetako parte-hartzaileak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
