“Polita iruditu zaigu bertan parte hartzea. Taldeko musika ikasleak aritu dira, guztira 40 lagun, hainbat adinetakoak. Oso jarrera ona adierazi dute, gogotsu ibili dira. Gainera, maratoiak eman digu umeekin gaixotasunari eta elkartasunari hitz egiteko aukera. Badirudi alde solidarioa Gabonetan bakarrik agertzen dela, baina tira...”, esan dute Bertoko elkartekoek. Bideoa abenduan grabatu dute Bertokoko eskolan.
2022ko EITB Maratoia abenduaren 2an jarri zen martxan eta gaur izango da ekitaldia nagusia. Abenduaren 17ra bitartean (11:00-22:00) irekita egongo da diru-ekarpenak egiteko doaneko telefonoa: 900 840 750. Gainera, online ere dirua eman daiteke, eitb.eus/eitbmaratoia webgunean, baita Bizumen bidez ere, 33478 zenbakian. EiTBk jakinarazi zuen moduan, Euskadin 2.700 lagunek dute esklerosi anizkoitza, eta Estatuan, 55.000 lagunek.