Lehen saioa, 100 kiloko harria jasotzea, zamudioztarrak irabazi zuen, 30 jasoaldiak arerioak baino 30 segundo lehenago bukatu zituelako. Bigarrenean, gizon-proban, ere garaile atera zen: 400 kilogramoko harriari sei iltze egin behar izan zituzten eta Bilbaok lau minutu gutxiago eman zituen horretan. Bigarren honetan, zamudioztarra faboritoa zen, Euskal Herriko txapelduna delako. Azkenik, azken saioan, 4 kilometroko korrikaldian, Amade izan zen hobea, helmugara minutu bi lehenago heldu baitzen.
Eneko Bilbao zamudioztarrak erronka irabazi du
Duela hilabete batzuk, Beñat Amade getxoztarrak erronka bota zion Eneko Bilbao zamudioztarrari: Baietz herri-kirol hiru saiotan irabazi. Lehia zapatuan, hilaren 21ean, egin zen Urdulizen eta txorierritarra nagusitu zen. Guztira, 200 lagun batu ziren erronka zuzenean ikusteko. Bilbao pozik agertu da eta, bide batez, 1.000 euro irabazi dit