Bihar, martxoak 8, elkarretaratzea izango da 12:00etan, Sabino Arana plazan, eta arratsaldean bat egingo dute Zapata Gorriak, Lagunandre eta Anpuluek elkarteak deitutako elkarretaratzearekin eta manifestazioarekin. Bestalde, bihartik aurrera emakumeen eta berdintasunaren inguruko pintura-erakusketa ipiniko da Zamudiotorren, eta martxoaren 10ean, 17:30ean, Elssie Xalbadorrek Super ni! umeentzako ipuina kontatuko du Ludotekan.
Martxoaren 11n, 10:00etatik 14:00etara, autodefentsa feministaren ikastaroa egingo da Gaztestazioan, 13 urtetik 18 urtera bitarteko gazteentzat, eta 11:00etan Ni neu nirekin ipuin-kontaketa izango da liburutegian, Miruren eskutik. Azkenik, martxoaren 18an, 18:00etan, Bonba bat naiz helduentzako lana antzeztuko du Bea Larrañagak Zamudiotorren.