Apirilaren 21ean, barikuan, Tasio Martinek hitzaldia emango du Zamudion, Kultur etxeko gimnasia gelan, 19:30ean. Iazko udan, Martin Indiako Himalaian ibili zen, Zanskar haranean esplorazio-alpinismoa egiten. Bertan, Txoria-Txori izeneko bidea ireki zuen Marc Torallesekin batera. Berbaldiaz gainera, horren inguruko bideoa ere emango da. Lagatzu euskara elkarteak eta Arroeta mendi taldeak antolatu dute hitzaldia.
Tasio Martin urduñarra da, baina azken urteotan Katalunian bizi da. Mendizale gaztea izan arren, eskarmentu handia du. Gurasoak, Yolanda Martin eta Joseba Elorrieta, mendizale peto-petoak dira eta Gorbeiako aterpea zaintzen dute. Yolanda, esate baterako, munduko zortzimila guztiak egin dituen emakume bizkaitar bakarra da.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).