Zapatuan, maiatzak 27, Euskadiko Eskola Txapelketa izan zen Zumarragan, eta Beste Bira Txorierriko atletismo klubeko Elian Quinterosek Bizkaia ordezkatu zuen bertan. Quinterosek brontzea lortu zuen 150 metroko abiadura-lasterketan. “Ez zen lasterketa erraza izan, gure atletak bere onena eman behar izan zuelako Gasteizko lasterkaria aurreratzeko eta 19:70 marka egiteko; hala ere, esan beharra dago hori ez dela bere markarik onena”, esan dute klubeko ordezkariek.
Gainera, zamudioztarrak errelebo-lasterketan ere hartu zuen parte, eta horretan ere brontzea lortu. “Esperientzia polita izan da eskola-kiroleko etapa amaitzeko; izan ere, 16 urtetik azpiko kategorian hasiko da ikasten jarraitzeko”.
Beste Bira kluba dagoeneko hasi da datorren denboraldia prestatzen. “Aukera emango dugu Zamudion astean hiru egunetan entrenatzeko; ea talderik ateratzen den. Sei urtetik gorako umeak etorri ahal dira, eta saiatu. Bestalde, federatuta ez dauden atleten taldea dugu, eta aholkulari bila dabiltza, bakoitzak bere beharrizanetara egokituta hobetzeko. Zamudion oso giro polita dago eta taldeak adinaren edo gaitasunen arabera osatzen dira”. Nahi duena haiekin harremanetan ipini daiteke telefono honetan: 609 417 996.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
