Jorge Barrena Marin
Hogeita zazpi urteko zamudioztarrak garun-paralisia du, baina hori ez da oztopoa bere grina handiaz gozatzeko: zinemaz. Hori bere zaletasuna da ezaguera zuenetik, eta kamera baten atzean zuzendari ibiltzeko ametsa izan du beti. Hori dela eta, gidoi- eta zuzendaritza-ikastaroa egin du, eta dagoeneko hainbat gidoi ditu idatzita.
Mota guztietako zinema gustatzen zaio: klasikoa, suspensekoa, akziokoa…; eta zuzendari asko ere ditu gustuko, hala nola Christopher Nolan eta George Lucas; hala ere, bere kutuna Steven Spielberg da, bere esanetan, zuzendaria baino, ametsen sortzailea delako. Horretan ere badabil Jorge: ametsak egia bihurtzen.