Zapatuan, azaroak 25, Emakumeen Kontrako Indarkeria Desagerrarazteko Nazioarteko Eguna izango da, eta Zamudion ekintzak antolatu dituzte dataren harira. Horrela, barikuan, azaroak 24, berdintasunaren aldeko Hama tailerra egingo dute Gaztestazioan, 18:00etan; eta zapatu goizean, 11:30ean, Sestremeneko kobazuloa ipuina irakurriko du Mikel Susperregi ipuin-kontalariak. Bestalde, 12:00etan, elkarretaratzea egingo da Sabino Arana plazan, udalak antolatuta; eta 13:00etan, indarkeria matxistaren aurkako bitrinaren aurrean, Leizaola plazan, Zapata Gorriak eta Lagunandre taldeek deituta.
Beste aldetik, domekarako, azaroak 26, Berdintasunaren aldeko I. Familiarteko Martxa antolatu du udalak. Martxa 11:00etan irtengo da Sabino Arana plazatik. Ibilaldiaren amaieran, 12:30ean, emakumezkoen herri kirolen erakustaldia izango da Sabino Arana plazan; eta eguraldi txarra eginez gero, frontoian.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).