Ohikoa denez, Gabonetako parkea ipiniko da Zamudion, eta hango udalak bederatzi pertsona kontratatuko ditu bertan lan egiteko. Zehatz-mehatz, zortzi aisialdiko monitore eta arduradun bat kontratatuko ditu abenduaren 26tik 30era bitartean, 16:00etatik 21:00etara. Lan-eskaintza EGAZ Txorierrik kudeatzen du eta izena ematea abenduaren 20era arte egin daiteke.
Hautagaiek hurrengo baldintza hauek bete beharko dituzte: B2 euskara ziurtagiria edo baliokidea, edo ahozko eta idatzizko euskararen ezagutza egokia egiaztatuta izatea; aisialdiko begirale-titulua izatea edo goi-mailako teknikari-titulua edo Hezkuntza Zientzietako unibertsitate-titulua; esperientzia umeekin eta sektorean (udalekuetan, haur-parketan, ludoteketan…); eta sexu-deliturik ez izatearen ziurtagiria.
Esan moduan, EGAZ Txorierrira jo behar da lan-eskaintzan izena ematera: www.egaz.eus; 944 536 370; Txorierri Etorbidea 46, 13A (Sondika), 09:00etatik 14:00etara.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
