Motorraren munduko zaleek hitzordu garrantzitsua dute asteburuan, Zamudion. Izan ere, Zamudio Racing Elkartearen eskutik, zenbait ekintza izango dira zapatuan eta domekan. Zapatu goizean, abenduak 16, gaztetxoentzako irteera antolatu dute Gasteizko Big Karting-era; ekintzan 45 ume gaztetxo inguruk hartuko dute parte.
Bestalde, 17:00etatik 19:00etara scalextric-a eta simuladoreak izango dira frontoian, eta gidatze-ikastaroa, Pinoan, egoera arriskutsuen aurreran nola jokatu ikasteko; ikastaroan edonork hartu dezake parte.
Bestalde, domekan, abenduak 17, Zamudioko Slaloma egingo da Torrelarragoiti industrialdean. Proba 15. aldiz egingo da eta puntuagarria izango da Euskal Herriko Txapelketarako. Trebetasun-proba izango da eta 21 gidari arituko dira bertan. Zamudio Racing Elkartearen ordezkariek adierazi dutenez, asteburua motorraren festa izatea nahi dute, eta zamudioztarrak zein bisitariak antolatutako ekintzak gozatzera animatu daitezen.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).
