Matxismoak eraildako emakumeei omenaldia Zamudion
Urtero moduan, eta Zapata Gorriak Zamudioko talde feministak antolatuta, bihar, urtarrilak 25, omenaldia egingo diete matxismoak 2023an eraildako emakumeei. Ekitaldia 19:00etan izango da Leizaola Plazan, indarkeria matxistaren kontrako bitrinaren aurrean. Berdintasun Ministerioaren datu ofizialen arabera, indarkeria matxistak 55 emakume hil zituen iaz Estatuan; 2022n baino sei emakume gehiago. Gainera, bi neskato ere hil zituzten.