Karlos Hormaetxe Txali, Iraultzaren presidentea
Bizkaiko Futbol Federazioak urrezko intsignia eman zion Karlos Hormaetxe Latxaga Txaliri, “bere lanagatik eta Bizkaiko futbolari egindako ekarpenagatik”. Izan ere, Txali Zamudioko Iraultza futbol-taldearen presidentea da 1982. urtetik hona, eta hango jokalaria ere izan da. Saria poztasunez hartu zuen arren, hura talde osoarena dela utzi zuen argi. Errekalde futbol-zelaian izan gara berarekin solasaldian eta elkarrizketa laster irakurgai izango da Aikor! aldizkarian eta webgunean.