Udalaren hitzetan, arratoiak akabatzeko tratamenduak egiten dituzte aldian-aldian herriko inguru guztietan. “Baina arratoi-kopuruak gora egin du Bizkaia osoan, eta horregatik, udala tratamendu berriak egiten dabil”. Azaldutakoaren arabera, tratamenduak indartzen dabiltza edukiontzien inguruetan eta lorategietan; hala ere, “azken leku horietan ezin da arratoi-tranparik ipini, maskotekin istripurik gertatu ez daitezen”. Era berean, sare elektrikoa eta estolderiarena erabiltzen dira arratoi-botika ipintzeko. “Gainera, saneamendu-sarean makina automatiko bi ipini dira, arratoi-botiken osagarri; makina horriek, pozoi gehiago jaten den lekuetara joango dira, bertan arratoi gehiago dagoelakoan”.
Arratoiak Zamudion
Aspaldi honetan, arratoiak ikusi dira Zamudioko hainbat txokotan. Zamudioko Udalak gizarte-sareen bidez jakinarazi duenez, animaliak akabatzeko lanak egiten dabiltza, eta horregatik, “animalia horietako batzuk gehiago ikusi ahalko dira kaleetan. Horrek ez du esan nahi gehiago daudenik, kontrakoa baino, arratoiak garbitzeko neurrien ondorioz habietatik irten dira eta”.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).