Zapata Gorriak Zamudioko talde feministak urriaren 26rako antolatu du autodefentsa feminista tailerra. Hori Maitena Monroyk, indarkeria matxistan adituak, gidatuko du, eta 10:00etatik 14:00etara izango da Kultur Etxeko gimnasioan. Monroyk hainbat tresna ipiniko ditu parte-hartzaileen eskura, fisiko denetik harago, indarkeria matxista zer den identifikatu dezaten eta hari aurre egin diezaioten. Izena emateko, zapatagorriakzamudio@gmail.com helbide elektronikora idatzi daiteke, edo 633 196 014 telefono-zenbakira deitu.