Hainbat teknika sakontzeaz gainera, parte-hartzaileek esperientziak partekatzeko aukera izan zuten, eta giro onean elkarrengandik ikasi. Era berean, izen handiko irakasleak egon izanak eta estilo-sorta zabala landu izanak aberastu zuten parte-hartzaileen esperientzia. “Ekintza-mota hauek OEKKAMek eta gure komunitateak arte martzialak zabaltzeko eta sustatzeko duten konpromisoaren isla dira, eta parte-hartzaileen arteko harremanak estutzen dituzte. Bestalde, kideak esparru pertsonalean zein teknikoan haztea ahalbideratzen dute”. Azkenik, azpimarratzekoa da ekitaldian, eta Cristina Álvarezen eskutik – Maisu Handia eta hiru aldiz munduko txapelduna–, Derioko Luis Vázquez maisuak 5. Dan lortu zuela.
Arte martzialen mintegia egin da Zamudion
Zapatuan, martxoak 15, arte martzialen mintegia egin zen Zamudion, Kajubenko & Kenpo eta Arte Martzialen Europako Erakundeak (OEKAM) antolatuta. Ekitaldian batu ziren Madrileko, Zaragozako, Iruñako eta Bizkaiko hainbat kirolari, eta haien artean izan ziren Estatuko maisu ospetsuak, hala nola Cristina Álvarez, David Buisan, David Felipe, Joseba Rodríguez eta Luis Vázquez deriotarra.