Kontatu digunez, SD Zamudio lehia estuan ibili da Zalla eta Getxo futbol-taldeekin, eta joan den astean liderrak izan ziren sailkapenean. “Orain «taldea egitea» tokatzen da datorren urteari begira, ea talde sendoa eta lehiakorra osatzen dugun eta estutasun handirik pasatzen ez dugun”. Hala ere, lehenengo eta behin, garaipena ospatuko dute Pazko jaietan, festa-giroan harrera egingo baitiete udaletxean. Ekitaldian Iñaki Gomez Mardonesek, Bizkaiko Futbol Federazioaren presidenteak, hartuko du parte.
Ospakizunetan dabiltza SD Zamudio futbol-taldean, izan ere, domekan Dinamo San Juani 1 eta 2 irabazita, Ohorezko Mailako txapeldunak irten ziren eta Hirugarren Mailara igo dira. Fidel de Prado presidentearen esanetan, poz-pozik daude eta ez da gutxiagorako, “sei urte eman baitugu igotzeko. Urte batzuetan igotzear egon gara, eta azkenik aurten lortu dugu”.