Domekan, otsailak 22, 08:00etan aterako dira Zamudioko Kolitza aparkalekutik. Bidaia autobusez egingo dute eta egunean zehar hainbat ekimen osatuko dituzte: boilur bila Osmako baso batera joango dira, txakurren boilur bilketaren erakustaldia ikusiko dute edo Varona dorretxea bisitatuko dute. Ondoren, 13:00etarako Arabako boilur beltzaren nazioarteko IX. azoka bisitatuko dute. Azkenik boilurekin egindako menu berezia jateko aukera izango dute 60 euroren truke. 19:00etarako itzuliko dira Zamudiora.
Zamudioko Zizegorri mikologia elkarteak irteera antolatu du domekarako, otsailak 22. Interesa dutenek barikua, otsailak 20, dute izena emateko azken eguna. 658 74 65 37 telefonora edo zizegorri@gmail.com posta elektronikora idatziz egin daiteke erreserba 30 euroren truke.