“Helburua da herriko gune sozial garrantzitsu hau urte osoan erabili ahal izatea, eguraldia edozein dela ere. Proiektu berriak egituraren diseinua optimizatu du, materialak modu eraginkorragoan erabiliz eta ingurunearekin eta eraikinarekin integrazioa mantenduz”, adierazi dute Zamudioko Udaletik.
Astelehenetik aurrera, martxoak 16, Aresti kaleko aparkalekuetan, Kultura Etxearen aurrean, aldaketak izango dira. Eragina gutxi gorabehera 4 hilabetekoa izatea aurreikusten dute. Kultura Etxeko plazaren estaldura proiektuko obrak hasiko dituzte.