Enpresako langileek atxiki zituzten bi pertsona horiek eta Ertzaintza ohartarazi zuten. Ertzainek, udaltzainekin elkarlanean, egiaztatu zuten furgonetaren atzeko aldean enpresako aluminiozko piezak zituztela, 3.000 euro inguruko balioa zutenak. Biak ebasketa-delitu batengatik atxilotu zituzten. Ertzaintzak esan duenez, 20 eta 26 urteko bi atxilotuek polizia-aurrekari ugari dituzte antzeko delituengatik.
Lapurreta joan den eguaztenean, maiatzak 6, izan zen, 11:00etan inguru, Zamudioko Torrelagoiti industrialdeko enpresa batean. Langile batek ikusi zuen bi pertsona furgoneta batean sartu zirela enpresan, hesia irekita zegoela baliatuz, eta hainbat material lapurtu ondoren ihes egiten saiatu ziren.