Aurreko urteetan moduan, Gabonetako azoka antolatu du Sondikako eskolako Gorondagane guraso-elkarteak. Azoka domekan, abenduak 18, izango da 09:30etik 14:30era Ikurrinaren enparantzan; eguraldi txarra egonez gero, Goronda Beko frontoian egingo da. Elkarteko kideak hainbat materiala jaso dute aurreko egunetan, hala nola jostailuak, mozorroak eta liburuak, eta oraindik dago elkarteari materiala emateko aukera. Hortaz, baten batek jadanik erabiltzen ez duen materialik izanez gero, gurasoen elkartearen bulegora eraman dezake 08:45etik 09:00etara eta 16:00etatik 16:30era.
Gabonetako postalak. Abenduaren 12tik 23ra, 16.00etatik 20:00etara, Anguleri kultur etxean.
Hogeita hamaseigarren aldiz antolatu da Txorierriko Gabon-kanten Jaialdia. Lehen kontzertua abenduaren 16an, 19:00etan, izango da Zamudioko San Martin elizan eta bertan abesbatza hauek hartuko dute parte: Zamudioko Kamara Koralak, Zik abesbatzak (Amorebieta-Etxano) eta Iubilo Bilbao Abesbatzak. Hurrengo emanaldia abenduaren 17an, 12:45ean, izango da Loiuko San Pedro elizan eta han hauek arituko dira: Gaztelumendi abesbatzak (Larrabetzu), Lamiñe abesbatza (Fruiz) eta Lagundi abesbatza (Bilbo).
Maiatza | ||||||
---|---|---|---|---|---|---|
al | ar | az | og | ol | lr | ig |
1 | 2 | 3 | 4 | 5 | ||
6 | 7 | 8 | 9 | 10 | 11 | 12 |
13 | 14 | 15 | 16 | 17 | 18 | 19 |
20 | 21 | 22 | 23 | 24 | 25 | 26 |
27 | 28 | 29 | 30 | 31 |