Tailerra Telmo Lazkano eta Maitane Ormazabal adituek gidatuko dute, eta lau egunetan egingo da: maiatzaren 21ean, 22n, 28an eta 29an. Saioak 18:00etatik 20:00etara izango dira institutuan, eta saio guztietara joateko konpromisoa eskatzen da. Izena ematea hemen egin behar da. Zalantzak argitzeko, 747 428 849 telefono-zenbakira jo daiteke, edo ekt@txorierri.eus helbide elektronikora idatzi.
ZEOS programak mugikorraren zentsuzko erabilera sustatzea du helburu
Txorierriko Zerbitzuen Mankomunitatearen eta eskualdeko herri eskoletako familien eta gurasoen elkartearen arteko lankidetzaren ondorioz, maiatzean ZEOS programa egingo da Txorierri Institutuan, Derion. Programaren siglek adierazten dutenez, helburua da mugikorraren eta gizarte-sareen zentsuzko erabilera eta osasuna sustatzea, eta horretarako, hurrengo hauek landuko dira: mugikorrari buruzko ezagutza, nerabeen buruko osasuna, nerabezaroa eta gizarte-sareen arriskuak eta erabilera.
