Garbigune mugikorra Garbiker enpresa publikoaren ekimena da, eta birziklatzea Bizkaiko herritarrentzat errazagoa eta hurbilagoa egitea du helburu. Beraz, ohiko garbiguneetara joateko aukera izateaz gainera, asmoa da herritarrek herrian bertan birziklatu ahal izatea. Garbiker enpresak edukiontzi ibiltari bi ipini ditu egitasmoarekin bat egin duten udalerrien eskura. Edukiontzietan, etxean sortutako hondakinak utzi ahalko dira aldez aurretik adostutako egunetan. Udalerri bakoitzean garbigune ibiltari bat ipiniko da astebetez.
Edukiontzi ibiltaria barikura arte (irailak 6) egongo da Lehendakari Agirre kalean, frontoiaren aurrean. Bertan hondakin hauek utzi ahalko dira: etxeko tresna txikiak, sukaldeko tresnak, etxeko olioa, sakelako telefonoak, kableak, pinturak eta disolbatzaileak, aerosolak, kutsatutako xurgatzaileak, tonerrak, tintazko kartutxoak, metalezko zein plastikozko kapsulak, pilak, CDak, DVDak, kaseteak eta erradiografiak.
Txorierriko albiste garrantzitsuak eta azken ordukoak jaso gura dituzu Whatsapp bitartez?
WHATSAPP: Bidali ALTA hitza 747 406 561 telefono zenbakira.
Izan zaitez berriemale ere. Bidali zure argazkiak, bideoak eta berriak.
Hilero lagun birentzako bazkaria zozkatuko dugu alta hartzen dutenen artean (Baserri Antzokian).