Kamisetaren kolore nagusia gorria da, baina eskuinaldean, bai aurretik bai atzetik, marra lausotu beltz bat ere badu. Kamisetak ez du mahukarik, korrikalariak erosoago ibiltzeko. Gainera, eskuinaldeko sorbaldan ikurrina dago, eta bularrean, lasterketaren izena. Atzeko aldean, beheko aldean, logoa dago ikusgai, hau da, M erraldoi bat eta, gainean, korrikalaria.
Betiko moduan, 25 kilometroko lasterketa eta martxa antolatuko dira, baina horietaz gainera, aurten, lehendabiziko aldiz, 14 kilometroko lasterketa ere egingo da gazteentzat. Gainera, lehiatik kanpo, beste saio bi ere antolatu dira: batetik, 25 kilometroko mendi-martxa; eta bestetik, txikien ibilaldia, Lezamako eskolako gurasoen elkartearen laguntzari esker antolatuta. Horretarako, ibilaldi polita antolatuko da Ganguren edo Gaztelumendi mendien inguruan.
