Sua piztuko dabe Sondikan

San Juan landea Sondikako jaien eszenatokia izango da beste behin be. San Juan jaiak musikaz, gastronomiaz, kirolez eta jolasez jatorkuz. Naia Landa eta Maialen Bilbao Sondikako jai-batzordeko kideek azaldu bezala, herritar guztiei zuzendutako egitaraua osatzen ahalegindu dira. Eta horretarako, aurreko urteetan antolatutako ekintzak hartu dabez oinarritzat: dantzen agerraldia, txapelketak, txakolinen dastaketea... Baina nobedadeak be sartu dira aurtengo egitarauan. Umeak jaietako protagonistenetarikoak dira eta ohiko ekitaldiez aparte, apar-jaia antolatu da aurten eurei begira. “Era berean, gazteentzako ekintza gitxi egiten zirala ikusi dogu eta hutsune hori betetzeko asmoz, bike-trialaren erakustaldia izango da. Karaokea be bada beste nobedade bat”. Ohiturak berreskuratu be egin ditu jai-batzordeak. Antxina artzain-txakurren erakustaldia izaten zan jaietan, eta domekan ikuskizun horretaz barriro gozatzeko aukerea egongo da. Baina ardiak bildu beharrean antzarak gobernatu beharko dabez txakurrek oraingo honetan. Parte-hartzea egunean zehar handia izan arren, gaua da lagun gehien biltzen dauen momentua. Horregaitik, sondikarren eta txorierritarren gustuko musika talde euskaldunak ekarriko dira: Sugan, Trikizio, Kauta eta Trikitake. “Horrezaz ganera, aukerea emongo jake herriko taldeei, eszenatokira igon eta euren musikea aurkeztu deiguen”. Egan Berria errepikatuko dauen taldea da. Igaz eskaini eben saioa erabat arrakastatsua izan zan, eta aurten dantzen agerraldiaren ostean ekingo deutsie erromeriari. “Ahalik eta jente gehienak hartu daian parte saioan”. Beste alde batetik, eskolako Gurasoen Alkarteak urtero antolatzen dauen jaialdia martitzenera eroango da. “Ohiko jokoak berreskuratzen saiatuko dira: aulki-jokoa, arto bilketea...” Txupinazoa bariku iluntzean botako da; txupinazoa eta konfetiak. Handik aurrera, eta sei egunean zehar, jai giroa nagusi izango da Sondikan. “Jentetza etortzea gura dogu; eta pozik joan daitezala etxera”. Dana dabe prest horretarako, landan euritik babesteko jarriko dan karpa erraldoia be bai. Jai-egitaraua Ekainak 19, barikua 18:00: Potxin eta Patxin pailazoak 19:00-22:00: Fanfarrea 20:00: Txupinazoa 21:00: Txahal-okelaren dastaketea Tortilla txapelketea 23:30: Sugan + Trikizio + Dj Ekainak 20, zapatua 11:30: Kalejira, Elaiak taldearen eskutik 12:30: Apar-jaia 13:00: Sagardo eta txakolinen dastaketea 16:00: “San Joan” Futbol 7 Txapelketa 18:00: Bigantxak 19:30: Dantzen agerraldia 23:00: Suak 23:30: Futbol 7 Txapelketaren sari-banaketea Kontzertuak: Kauta + Trikitake + Dj Ekainak 21, domeka 12:30: Kalejira, Elaiak taldearen eskutik 13:00: Artzain-txakurren erakustaldia 14:00: Sukalkia 16:00: Mus Txapelketea 18:00: Dantzen agerraldia 20:00: Berbena, Egan Berria taldearekin Ekainak 22, astelehena 17:00-19:00: Haur parkea 19:00-21:00: Karaokea 22:30: Kontzertuak: Malos Ratos + Habemus Ratas + Hipo-hop Ekainak 23, martitzena Festa, Gurasoen Alkartearen eskutik 18:30: Bigantxak 19:00: Kalejira, Elaiak taldearekin 20:00: Bike-trialaren erakustaldia 23:00: San Joan sua 00:00: Orkestrea: Kresala Ekainak 24, asteazkena 12:00-15:00: Fanfarrea 12:30: Mezea + aurresku 13:30: Iparraldeko jokoak Kopaua, jubilatuentzat 20:00: Francisco Villar eta Real Gala bere mariachia 21:00: Petardo-sorta