EH Bilduk Larrabetzun irabazi du; EAJk, gainontzek

Atzo udal eta foru hauteskundeak izan ziren. Txorierrin, EAJk alkatetzari eutsi dio Loiun, Sondikan, Za­mudion eta Lezaman. Derion boza ge­hien lortu duen alderdia izan arren, ez du gehiengo osoa lortu, eta ituna egin beharko du beste alderdiekin. EH Bilduk Larrabetzuko alkatetzan jarraituko du. Herrika, EAJk zinegotzi bat gehiago lortu du Loiun eta Son­dikan; eta beste bi gehiago, Larrabe­tzun. Hala ere, zinegotzi bat galdu du De­rion. Zamudion eta Le­zaman, zinegotzi-kopuru bera mantendu du. EH Bilduk zinegotzi bat gehiago eskuratu du Derion, eta zinegotzi bat galdu du Loiun. Gainon­tzeko herrietan, zinegotzi kopuru bera mantendu dute. Bestalde, PSOEk zinegotzi bat gehiago lortu du Derion, eta Sondikan zuen zinegotzia mantendu du. PPk Derion eta Sondikan zuen zinegotzi bana galdu du, eta Loiukoa mantendu du. Tauletan, Eran­dioko datuak ere ipini ditugu Eran­diogoikoko irakurleentzat interesgarriak direlakoan. Bertan EAJk irabazi ditu hauteskundeak. Ganemos Erandiok boto ge­hien jaso duen bigarren alderdia izan da eta lehenengo aldiz izango ditu ordezkariak Erandion. EH Bilduk, PSOEk eta PPk ere izango dituzte zinegotziak Udalean. Batzar Nagusiei dagokienez, EAJk 23 batzarkide lortu ditu Bizkaian; EH Bil­duk, 11; Podemosek, sei; PSOEk, zazpi; eta PPk, lau.