Prestetako erea
Prestatu moldea, gurinez uruneztatua. Txikitu zainzuriak, nahastau beste osagaiak eta gehitu txikitutako zainzuriak. Irabiatu ondo eta bota moldera. Jarraian, sartu laba beroan, Maria bainuan: 160º-tan, 60-70 minutuz.
Ondoren, hotz dagoenean, atara moldetik eta moztu xerretan. Zerbitzerakoan, lagundu maionesagaz edo pikillo-piperren saltseagaz.
Pikillo-saltsea egiteko
Kipula txiki bat erregosi olio apur bategaz. Gehitu 8 pikillo-piperrak eta bost minutuz kozinatu. Horri gehitu 200 ml esnegain eta gatz apur bat. Ondo irabiatu. Saltsea prest dago.
Lehen platera: erreboiloa, txakolin erara
Osagaiak
2 kg-ko erreboilo bat (garbituta eta xerratan ebakita)
3 berakatz atal
400 gr almeja
200 gr ganba (garbituta)
250 ml txakolin
Perejila eta gazta
Oliba olio zurrusta bat
Prestetako erea
Buztinezko eltze baten, ipini olioa, berotu, eta bota berakatzak. Kolorea hartzen hasten direnean, sartu erreboiloa, xerra gatzeztatuak, almejak eta 125 ml txakolin.
Beste alde batetik, erre arraina su erdian, noizbehinka eraginez eta buelta emonez, zazpi minutu inguru. Jarraian, bota falta dan txakolina. Gehitu ganbak eta perejila. Eragin eta itxi beste 3-4 minutu, saltsea ligatu arte.
Gatza gehitu, faltan badago, eta zerbitzatu.
Postrea: sagar pudina
8 lagunentzako
Osagaiak
500 ml esne
250 ml esnegain
3 molde ogi xerra
5 arrautz
200 gr azukre
Erregineta sagar handi bi (garbitu, txikitu eta ur apur bategaz egositakoak)
Prestetako erea
Alde batetik, karamelizatu labako pudin molde bat. Beste alde batetik, beratu ogia esnetan ordu laurden inguru. Nahastau eta irabiatu arrautzak, esnegaina eta azukrea. Azkenik, bota sagarrak eta esnea ogiagaz moldera, dana ondo nahastauta.
Sartu laba beroan, 175º-tan, Maria bainuan, 45-60 minutuz. Eginda dagoela ikusi arte, itxi laban bertan, hotzitu arte. Hurrengo egunean aterako dogu moldetik.
