Beraz, Bizkaiko hogei enpresa inguruk hiru merkataritza-misiotan hartuko dute atzerrian. Eta bidaia horietan, enpresa bakoitzak kontaktu-agenda indibidualizatua izango du, merkataritzako harremanak hasteko edo hedatu ahal izateko. Zehazki, Mexiko Hiria, Kolonbia eta Alemania bisitatuko dira, batez ere eraikuntzaren edo metal mekanikoaren sektoreko enpresak.
Ekimena Txorierrin ez ezik, Meatzaldean, Mungialdean eta Enkarterrin ere garatuko da, tokian tokiko garapen-agentzien laguntzarekin. “Bizkaiko enpresekin mundura” Bizkaiko Foru Aldundiko Nazioarteko Partzuergoen Sustapen Programaren baitan dago, eta Garapenen Nazioartekotze Estrategia du ardatz, 2013an onartua; hala, hauek dira helburu nagusiak: lankidetza sustatzea eta beste lurralde batzuekin harremanetan sartzea, toki-garapenaren esparruan, eta enpresen nazioartekotzea bultzatzea.
Urtarrilaren 30ean, aipatutako herrialdeek eskaintzen dituzten aukeren berri emateko jardunaldia egingo da. Bertan, hiru herrialdeetako ordezkariak izango dira, nork bere errealitatea azaltzeko. Jardunaldia 9:00etan hasiko da, Ortuellako Kultur Etxean (OKE), Catalina Gibaja kaleko 10.ean.