Logoa
Logoa
aikor.eus

Enpresa ideiak garatzeko laguntzak

  Zenbait  Txorierri

Txorierriko Zerbitzuen Mankomunitateak eta Lanbide Euskal Enplegu Zerbitzuak, EGAZ Txorierriren bidez eta Europako Gizarte Funtsaren finantzaketarekin, diru-laguntzak emango dituzte tokiko proiektu ekintzaileak garatzeko. 

Diru-laguntzak izaera ekintzailea duten eta Euskal Autonomia Erkidegoan bizi diren lagunei daude zuzenduta. Horiek aholkularitza espezializatua jasoko dute hiru hilabetean, enpresa-ideia garatzeko edo enpresa martxan jartzeko.

Eskariak otsailaren 22ra arte aurkez daitezke EGAZ Txorierrin. Gehienez 24 diru-laguntza emango dira enpresa ideiak garatzeko; eta 12 diru-laguntza, negozioak martxan jartzeko. Gutxienez eskaera aurkezten duten emakumeen ekintzaileen %40k jasoko dute diru-laguntza.

Negozio ideiak garatzeko, 1.000 euroko laguntza emango da pertsonako; eta 1.500 euroko laguntza laguneko, proiektu berriak abian ipintzeko. Laguntzak % 15 handitu ahalko dira, sustatzaileak 18 urtetik 30 urtera bitartekoak badira, edo sustatzailea emakumezkoa bada.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa