Finala azaroaren 17an egingo da Bilbon, Bilborock aretoan, 17:30etatik aurrera. Finalista bakoitzak zuzeneko kontzertu bana eskainiko du eta guztiek bukatutakoan, irabazlearen izena iragarriko da. Erabaki hori epaimahaia eta publikoaren artean hartuko dute. Finala publikora dago zabalik, eta lau talde finalistez gain Haxotz, Larregi, Zazkel, Aneguria eta Ze esatek! taldeek ere eskainiko dute kontzertua, doan.
Lehiaketak euskal musika sustatzea du helburu, batez ere zaletu mailan. Antolatzaileek adierazi dute aurten bereziki anitzak izan dira taldeak, jatorri zein estilo aldetik. Izan ere, Hego Euskal Herriko taldeez gain, Iparraldeko talde batek ere eman du izena. Estiloari dagokionez, zenbait erritmo lantzen dituzten taldeek hartu dute parte lehian: rocka, folka, industriala, metala, alternative punka, popa, countrya…
