Logoa
Logoa
aikor.eus

Azkue Fundazioak gaitasun digitalei heltzeko ikastaroa antolatu du

  Teknologia  Txorierri

Fundazioak teknologiari lotutako zenbait ikastaro antolatu du Talaios kooperatibarekin elkarlanean, eta hau laugarrena eta azkena izango da. Ikastaroa Euskararen Etxean emango dute.

Gaitasun digitalei heltzeko ikastaroa hezkuntzan dabiltzan lagunentzat da, eta DIGCOMP markoak irakasleei eta ikasleei eskatzen dizkien gaitasunak ezagutzeko eta lantzeko tresnak ematea du helburu.

Mundu digitala ulertarazteaz gainera, ikastaroak sormena, inspirazioa eta berrikuntza eskainiko dizkie parte-hartzaileei. Horretarako, gai hauek landuko dituzte besteak beste: gaitasun digitalen markoa, NIA (PLE) bat egitea, eta bizitza osorako formazioa eta joerak.

Ikastaroak 12 ordu iraungo du, eta egun bitan emango da: abenduaren 14an, goizean eta arratsaldean; eta abenduaren 15ean, goizean. Aurrekoen moduan, doako ikastaroa izango da. Informazio gehiagorako, www.azkuefundazioa.eus webgunean bisita daiteke, eta izen-ematea hemen egin. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa